
Мисс, Жүжигчин Б.Гэрэлчулууны жирэмсэний зураг авалтууд
Тусгай салаа киноны гол дүрээр бидэнд илүүтэй танил болсон жүжигчин Б.Гэрэлчулуун маань саяхан 3 дахь үрээ өлгийдөн авсан билээ. Үзэсгэлэнтэй бүсгүйдээ юуны түрүүнд халуун баяр хүргэж гэр бүлд нь хамгийн сайн бүхнийг хүсэн ерөөмөөр байна
Эмэгтэй хүний хамгийн үзэсгэлэнтэй үе жирэмсэн үедээ буюу үрээ хэвлийдээ тээж аминаасаа амь ургуулж байх үедээ хамгийн үзэсгэлэнтэй гэж хэлэхэд хэлсдэхгүй байх. Сүүлийн үед эмэгтэйчүүд маань энэ нандин үеээ дурсамж болгон үлдээхийн тулд жирэмсэний зураг авхуулж мөнхөлдөг болсон билээ. Тэгвэл Мисс , Жүжигчин Б.Гэрэлчулуун маань энэ сайхан мөчөө ийнхүү өвөрмөц , шинэлэг шийдлээр гэрэл зураг болгон үлдээжээ
Хоёр хөөрхөн охины ээж байсан тэрээр саяхан ийнхүү хөөрхөн хүүтэй болжээ.
Түүний дэлгэцийн уран бүтээлүүдээс дурьдвал:
2010 онд Тусгай салаа МОАУСК
2011 онд Цэлмэг тэнгэр МУСК
2011 онд Амьдрал төсөл МУСК
2016 онд Дурлал сүйтгэгч МУСК
2017 онд Эцсийн хүсэл МУСК тус тус кинонуудад гол дүр болон туслах дүрүүдийг бүтээсэн чадварлаг жүжигчин билээ
Нэг хэсэг загварын тайзнаа гялалзаж явсан бүсгүй гэдгийг бид мэднэ. Тухайлбал 2007 оны Miss Mongolia тэмцээний тэргүүн титмийн эзэн юм. Мөн 2011 оны “Гоёл наадам”-ын шилдэг загвар өмсөгч билээ.
СУИС-ийн “Жүжигчин”-ий ангийг төгссөн төдийгүй Хүмүүнлэгийн ухааны их сургуулийн “Гадаад харилцааны мэргэжилтэн”-ээр суралцаж төгсчээ.
Загвар өмсөгч , Жүжигчин , Гадаад харилцааны мэргэжилтэн , Хөтлөгч , Хувийн бизнес , сайн ээж гээд олон зүйлийг амжуулж яваа хөдөлмөрч , дайчин бүсгүй билээ
Тэрээр нэгэн удаа ээж хүн ямар байх ёстой вэ гэдэг асуултанд тэрээр хариулахдаа : “Мөнгийг бол хэзээ ч олж болно. Хүүхдийнхээ хүүхэд байх тэр хэсэгхэн жаахан хугацааг мэдрэхгүй харахгүй алдсанаа хожим ухаарах хамгийн муухай гэж боддог .Хичнээн завгүй байсан ч хүүхэдтэйгээ дор хаяж өдөрт 30 минут тоглох хэрэгтэй. Тоглоомын газар оччихоод хамт тоглохгүй утсаа маажаад суучихдаг хүмүүсийг ойлгодоггүй юм. Гэртээ унаж бэртэх , мөргөх аюултай , өнцөгтэй эд зүйлсийг байлгаж болохгүй .Ер нь хоёрхон жил л гүрийчих хэрэгтэй. Би жишээ нь охиноо төрсөн цагаас нь хойш хүүхэдтэйгээ орон дээр биш газар унтаж байна.Ингэснээр нэг ч удаа толгой тархи доргисон асуудал үүсгэж байсангүй. Мөн ээж хүн хоолны өргөн мэдлэгтэй байх хэрэгтэй. Амттай хоолны арвин жортой байвал тэдий чинээ хүүхэд хоолонд дуршил сайтай байдаг. Хүүхдийнхээ аюулгүй байдлын төлөө зөвхөн ээж аавууд бид л санаа тавих ёстой. Бусдад даатгасан ч гэлээ хүүхдэдээ заавал цаг гаргах ёстой” хэмээх өөрийн бодлоо хуваалцаж байжээ.
“Ханьтайгаа хамт үр хүүхэд, ач, гучаараа хүрээлүүлчихээд санаа түвшин ханхайн сууж буйгаар амьдралаа дүрсэлдэг” хэмээн нэгэнтээ хэлж байсан үзэсгэлэнт , хөдөлмөрч бүсгүйдээ саяхан амар энх амаржсанд нь халуун баяр хүргэж гэр бүл нь улам өнөр өтгөн болохын ерөөлийг тавъя