Охины минь аавд сайн хань ижил заяаж , түшиж тулж явааг нь сонсоход сэтгэл дүүрээд , санаа амраад л явчихлаа
Олон жилийн дараа охиныхоо аавтай видъёокаллаар оройжингоо л баахан хууч хөөрч ямар инээдэмтэй жоохон хоёр байснаа , яаж хөглөж явсанаа , олон сайхан дурсамжаа сэргээж баахан л инээлээ. За тэгээд зарим үе дээр нь хоолой зангираад нулимсаа ч нуусангүй хоёулаа. Уулзаагүй их удаж дээ ..Сайхан байлаа …
Бидэнд буруу байхгүйээ. Учир мэдэхгүй дэндүү балчир байсан даа чи бид хоёр. Уг нь хаа нэг гэрлүү залгаад ярьдаг л байсан. Хүүгээ төрүүлсэн тэр жил хүндэлсэн юм болов уу даа чимээгүй болоход нь би мэдсэн юмаа.Чамайг ч олон жил хүлээсээн гэх тэр минь одоо сайхан хань ижилтэй болж саяхан хөөрхөн бяцхан охинтой болжээ. Эхнэрийнхээ сүү шиг сайхан сэтгэлтэйг нь л яриад байна. Ашгүй дээ чамд минь тийм сайхан хань ижил заяаж, түшиж тулж явааг нь сонсоход ямар сайхан байваа. Сэтгэл дүүрээд нээх сайхан санаа амраад л явчихлаа
Чамдаа хамгийн сайн сайхныг хүсье . Охиноо ирэхээр хүйг нь тасалж булсан газарлуу нь дагуулж явнаа гэнээ , хөөрхий дөө ..Удахгүй охиныг нь авч очиж уулзуулнаа. Надад хайрыг бэлэглэж, надтай түүх дурсамж бүтээлцэж , омголон залуу насыг минь оргилуулж догдлуулж , уйлуулж дуулуулж, уурлуулж уяангалуулж явсан хайр минь болсон хотын бор өндөр залуу минь чамдаа үргэлж сайн сайхныг хүсэж , өмөөрч явдаг даа. Хайртай сайхан үрийн минь ААВ шүү дээ . Жаргаж яваарай ЧИ минь. Berlin хот-с (2021.09.26). Эх сурвалж: Т.Одмаа гэх бүсгүйн сэтгэгдэлээс
